Емануел Макрон го назначи 73-годишниот Франсоа Бајру за нов француски премиер во обид да стави крај на неколкумесечните политички превирања во земјата. Бајру е лидер на центристичката партија Демократско движење (МоДем), што ја основал во 2007 година и поранешен министер за образование. 

Претходникот на Бајру, Мишел Барние, опстана само три месеци на функцијата, пред да му биде изгласана недоверба во парламентот. Макрон е на средина од својот втор мандат и Бајру ќе му биде четвртиот премиер оваа година.

Во француската политика владее нестабилност од вонредните парламентарни избори летово, на кои што победи крајната левица, иако најголеми шанси ѝ се даваа на крајната десница. Анкетите покажуваат дека 61% француски гласачи се загрижени за актуелната ситуација.

Пред да се реши за Бајру, Макрон имал разговори со лидерите на сите големи политички партии, освен со крајната левица и крајната десница. Останува прашањето дали останатите центристички партии ќе се согласат да се придружат на владата на Бајру или барем да ја поддржуваат.