Петмина луѓе се убиени откако еден маж пукал во дом за стари и немоќни лица во хрватскиот град Дарувар. Локалните медиуми објавија дека во инцидентот се ранети уште пет лица, но тежината на нивните повреди засега не е позната.

Сајтот „Мој портал“ објави дека еден маж влегол во домот и почнал да пука во луѓето, при што петмина загинале на самото место. Убиецот побегнал, но набргу потоа бил фатен од полицијата.

Неофицијални информации кажуваат дека во домот била сместена и неговата мајка, која е една од жртвите на пукањето. Весникот „Јутарњи лист“ објави дека напаѓачот е 51-годишен бивш хрватски војник.