Ангела Меркел објави дека ќе се повлече од функцијата канцеларка во 2021 година, откако нејзината партија Христијанско-демократската унија (ЦДУ) оствари слаби резултати на последните регионални избори во Германија.

„Нема да барам нова политичка функција откако ќе ми истече сегашниот мандат“, изјави Меркел.

Таа најави дека во наредните денови ќе се повлече и од лидерската функција во ЦДУ, на којашто се наоѓа од 2000 година.

„Преземам целосна одговорност за последните изборни неуспеси“, додаде Меркел.

На изборите во Хесен, ЦДУ и нејзиниот социјалдемократски партнер освоија 10% помалку гласови во споредба со претходните избори, но, сепак, остануваат на власт.

Меркел првпат стана канцеларка во ноември 2005, а лани го освои четвртиот мандат.