Лидерот на конзервативците Кирјакос Мицотакис е на прагот да ги освои вториот премиерски мандат и мнозинството во парламентот, покажуваат излезните анкети по вторите парламентарни избори во Грција за период од еден месец. Тој го победи ривалот Сириза во мај, но веднаш потоа распиша нови избори со цел да освои доволно пратенички места за да владее сам.

Се очекува Нова демократија да освои 40-44% гласови, додека Сириза е на 16,1-19,1%.

Денешното гласање се одржа според новиот изборен закон, кој на победничката партија ѝ обезбедува уште 25-50 пратенички места.

Наспроти лошиот резултат на Сириза на бившиот премиер Алексис Ципрас, новоформираната десничарска партија Спартанци освои 3% гласови и се очекува да влезе во парламентот.