Најбогатиот човек на светот Илон Маск призна дека оваа година не успеал доволно да влијае врз изборите во САД откако повторно беше еден од најголемите донатори на Републиканската партија.

„Претпоставувам дека моите вселенски ласери што се мешаат во изборите не работеа овој пат“, напиша Маск на Икс.

Откако му помогна на Доналд Трамп да победи на претседателските избори пред две години, Маск потроши 455 милиони долари за поддршка на републиканските кандидати и за конзервативните каузи во кампањата за меѓуизборите, според анализата на „OpenSecrets“.

Само за трката за Сенатот во Тексас, Маск потроши повеќе од 200 милиони долари за поддршка на републиканецот Кен Пакстон, кој изгуби од демократот Џејмс Таларико.

„Испративме порака до секој милијардер мегадонатор, секој трилионер мегадонатор и до секој корумпиран бранител на овој скршен политички систем во оваа држава: моќта му припаѓа на народот“, кажа Таларико во својот победнички говор.

Маск ги пресели своето живеалиште и некои деловни интереси во Тексас пред неколку години.