Околу 700.000 деца биле преселени од конфликтните зони во Украина на руската територија, објави Григори Карасин, шефот на Меѓународниот комитет во Советот на федерацијата, горниот дом на рускиот парламент.

„Во изминатите години, 700.000 украински деца најдоа прибежиште кај нас, бегајќи од бомбардирања и гранатирања“, кажа Карасин.

Москва вели дека нејзината програма да донесе деца од Украина во Русија има за цел да ги заштити сирачињата и децата напуштени во воената зона. Сепак, Украина тврди дека многу деца биле илегално депортирани, додека САД кажаа дека илјадници деца присилно биле иселени од нивните домови.

Во јули минатата година, САД проценија дека Русија присилно депортирала 260.000 деца, додека украинското министерство за интеграција на окупираните територии кажа дека моментално, речиси 20.000 деца се сметаат за илегално депортирани. Киев ја обвинуваше Москва дека организирала масовни посвојувања на украински деца во Русија.