Пакистан апелира за поголема меѓународна помош додека поплави ја уништуваат земјата и голем број граѓани бараат спас на повисоки места. Бројот на загинати во монсунските поплави достигна 1.033 откако изминатите 24 часа загинаа уште 119, соопштија пакистанските власти.

САД, Британија, ОАЕ и други веќе испратија помош, но потребно е повеќе, велат пакистански функционери. Пакистанската влада прави сè што може, додаваат тие.

Министерот за внатрешни работи Салман Суфи вели дека на земјата очајно ѝ е потребна меѓународна помош.

„Пакистан се бореше со економски проблеми и бевме блиску да ги надминеме кога нè погоди монсунска катастрофа“, кажа тој.

Во северозападен Пакистан, илјадници луѓе ги напуштија домовите откако реките се излеаја од коритата и предизвикаа големи поплави.

„Куќата која што ја градевме со години напорна работа почна да ни тоне пред очи. Седевме на страна и гледавме како куќата од нашите соништа ја снемува“, кажа 23-годишниот Џунаид Кан.