Жителите на Флорида продолжуваат да се справуваат со штетите од ураганот Милтон откако силната бура уништи многу домови и ги поплави улиците во американската држава.
Телевизијата „Си-Би-Ес“ јави дека има најмалку 16 загинати во ураганот, а гувернерот Рон Десантис кажа дека над три милиони луѓе се без електрична енергија.
Ураганот ја изгуби силата откако стигна до копното и сега е квалификуван како тропска бура, но сè уште е опасен со ветрови од над 110 км/ч.
Пред да стигне до копното во Флорида, Милтон беше ураган од најсилната петта категорија во Мексиканскиот залив.
