Најмалку десет луѓе загинаа, а 32 се повредени во пожар што зафати хотел во скијачкиот центар Карталкаја во северозападна Турција, објави министерството за внатрешни работи. Пожарот избувнал по три часот по локално време, во моментот кога во хотелот имало 234 гости.

„Две лица загинале кога скокнале низ прозорец во паника“, кажаа локалните власти.

Причината за пожарот, кој за кратко време го зафатил целиот хотел, засега не е позната.

Одморалиштето е популарна дестинација за љубителите на зимски спортови, особено за време на школскиот распуст, што трае од јануари до првите недели на февруари.