Доналд Трамп го напушти неговиот голф клуб во Вирџинија и се упати кон Белата куќа, околу која се собра маса луѓе, прославувајќи ја победата на Џо Бајден на претседателските избори, што стана и официјално откако ги освои Пенсилванија и Невада.

(Фото: Ројтерс)

Неколку минути откако сите релевантни медиуми ја прогласија победата на Бајден, неговите поддржувачи излегоа на улиците низ целата земја, при што во Бруклин се извикуваше „Ноќната мора заврши“.

„Повторно можеме да дишеме. Имам чувство како да сме се ослободиле од канџите на злото“, изјави 26-годишната Лола Фалејт од Њујорк.

(Фото: АП)

Ангела Меркел, Емануел Макрон, Борис Џонсон и Џастин Трудо се меѓу светските лидери кои му честитаа на Бајден, додавајќи дека се радуваат на соработката со него.