Две фарми за нутрии во јужна Холандија се ставени во карантин откако било утврдено дека неколку од овие животни се заразени со коронавирус, објави тамошното министерство за земјоделство и ги повика луѓето да пријавуваат случаи на зараза кај животни.

Заразените нутрии биле тестирани зашто имале проблеми со дишењето и се верува дека вирусот им го пренесол некој од вработените.

„Минимални се шансите животните да го пренесат вирусот врз луѓе или врз други животни на фармите“, кажаа од министерството.

Ова се први случаи на животни заразени со коронавирус во Холандија, кој досега низ светот бил потврден главно кај домашни миленици, но и кај тигри и лавови во зоолошката градина во Бронкс, Њујорк.

Нутрии се одгледуваат поради нивното крзно, кое се продава во Кина, Кореја, Грција и Турција. Сите фарми за нутрии во Холандија треба да бидат затворени до 2024 година.