ОБЕДИНУВАЊЕТО СО ТАЈВАН МОРА ДА СЕ ИСПОЛНИ, КАЖА КИНЕСКИОТ ПРЕТСЕДАТЕЛ ШЈИ

    ОБЕДИНУВАЊЕТО СО ТАЈВАН МОРА ДА СЕ ИСПОЛНИ, КАЖА КИНЕСКИОТ ПРЕТСЕДАТЕЛ ШЈИТајван му одговори на Шји дека иднината на островот лежи во рацете на неговиот народ (Фото: Гети)

    Кинескиот претседател Шји Џјинпинг изјави дека обединувањето со Тајван мора да се исполни. Тој додаде дека тоа треба да се спроведе мирно, но предупреди дека кинескиот народ има славна традиција на спротивставување на сепаратизам.

    Тајван одговори дека иднината на островот лежи во рацете на неговиот народ. Пекинг во минатото не ја отфрлуваше опцијата за можна употреба на сила за да се постигне обединувањето.

    Тензиите во регионот се засилија во изминатите денови откако 150 кинески борбени авиони влегоа во воздушната одбранбена зона на Тајван.

    Шји одржа говор по повод 110 години од револуцијата со која беше соборена последната кинеска царска династија, но неговиот тон сега беше посмирен во споредба со јули, кога најави дека ќе ги смачка сите обиди за формална независност на Тајван.

    „Историската задача за целосно обединување на татковината мора да биде исполнета и тоа дегинитивно ќе се оствари. Ние сакаме мирно обединување според принципот една држава-два система, слично на Хонгконг. Тајванскиот сепаратизам е најголемата пречка за тоа и најсериозна скриена опасност за национално обновување“, кажа Шји.

    Иако западните сили изразија загриженост за последното покажување на кинеската моќ, Џо Бајден кажа дека Шји се согласил да се придржува до договорот за Тајван.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира