ПАРИТЕ СО ЛИКОТ НА ЕЛИЗАБЕТА ВТОРА ЌЕ ОСТАНАТ ВО ОПТЕК СО ГОДИНИ ИАКО ЌЕ ИМА НОВИ СО ЛИКОТ НА КРАЛОТ ЧАРЛС ТРЕТИ

    ПАРИТЕ СО ЛИКОТ НА ЕЛИЗАБЕТА ВТОРА ЌЕ ОСТАНАТ ВО ОПТЕК СО ГОДИНИ ИАКО ЌЕ ИМА НОВИ СО ЛИКОТ НА КРАЛОТ ЧАРЛС ТРЕТИПо смртта на Елизабета Втора ќе биде потребно време за Обединетото Кралство, Канада, Австралија, Нов Зеланд и други земји да ги заменат монарсите на нивните пари. (Фото: АП)

    Со децении, кралицата Елизабета Втора е прикажана на британските банкноти и монети. Нејзиниот портрет е прикажан и на валути на десетици други земји низ светот, како потсетник на колонијалниот досег на британската империја. По нејзината смрт ќе биде потребно време за Обединетото Кралство, Канада, Австралија, Нов Зеланд и други земји да ги заменат монарсите на нивните пари. Но, тоа не значи дека парите нема да важат.

    Се очекува портретот на кралицата на британските банкноти и монети да биде заменет со ликот на новиот крал Чарлс Трети, но тоа нема да биде веднаш.

    „Сегашните банкноти со ликот на нејзиното височество Кралицата ќе продолжат да бидат законско средство за плаќање“, соопшти Банката на Англија. Соопштение за постоечките книжни пари издадени од централната банка на Обединетото Кралство ќе биде објавено по завршувањето на официјалната 10-дневна жалост, се вели во соопштението.

    Кралската ковачница, која е официјален производител на британски монети, рече дека сите монети со нејзиниот портрет „остануваат легално средство за плаќање и во оптек“, а повеќе информации ќе има подоцна.

    „Додека го почитуваме овој период на жалост, продолжуваме да коваме монети како и обично“, објави Кралската ковачница на својата веб-страница.

    Во оптек се 4,7 милијарди британски банкноти вредни 82 милијарди фунти и околу 29 милијарди монети, па британските пари со ликот на кралицата веројатно ќе бидат во оптек со години.

    „Наместо да се заменат сите сегашни монети и банкноти, процесот ќе биде постепен и многу од монетите со портрети на кралицата Елизабета Втора ќе останат во оптек уште многу години“, според британската веб-страница за истражување монети „Коин експерт“.

    Откако денеска Чарлс ќе биде крунисан, ќе треба да се направи нов портрет за да се користи на редизајнирани банкноти и монети, велат од „Коин експерт“.

    Монетите со неговиот лик ќе го прикажат свртен налево, заменувајќи го погледот вдесно на кралицата, во согласност со традицијата која датира од 17 век, која диктира монарсите да бидат прикажани во профил и во спротивна насока од нивните претходници.

    Валутите на другите нации во кои е претставена кралицата – од австралиски, канадски и белизески долари – исто така ќе бидат ажурирани со новиот монарх, но процесот може да потрае подолго, бидејќи „многу е полесно да се спроведе нов дизајн во земјата од каде што потекнува, наместо во други земји каде што може да има различна јурисдикција“, велат од „Коин експерт“.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира