За да го провери телото на наводниот напаѓач, полицијата користи робот, јави репортерот на минхенскиот сајт „БР24“
Деветтото тело, кое беше пронајдено на еден километар од нападот во Минхен, е со црвен ранец и полицијата се сомнева дека има бомба. Претходно, сведоците кажаа дека напаѓачот носи црвен ранец, а тоа може да се види и на видеото што се појави од напаѓачот на покривот на трговскиот центар.
Во нападот во трговскиот центар „Олимпија“ во Минхен загинаа деветмина, вклучувајќи го и наводниот напаѓач, а 20-мина се повредени.
Ситуацијата се уште е конфузна, а полицијата ги советува жителите да не излегуваат надвор за да не сметаат при акцијата.