Речиси 50 луѓе загинале од терористичкиот напад на истанбулскиот аеродром, јави агенцијата АП, повикувајќи се на извор од висок  турски функционер. Расте бројот на жртви од комбинираниот напад со калашников и со самоубиствени експлозии што се случија вечерва на влезот од патничкиот терминан на аеродромот Ататурк, трет по број на патници во Европа.

Во нападот биле вклучени тројца напаѓачи. Еден пукал со калашников на влезот во патничкиот терминал кај пунктот за сигурносен преглед на патниците.

Авионот на Туркиш ерлајнс што од Скопје полета за Истанбул во 21.00 часот во вторникот, беше пренасочен и околу полноќ слета на аеродромот во Измир.