САД го протераа амбасадорот на Јужна Африка Ембрахим Расул, изјави вчера државниот секретар Марко Рубио, нарекувајќи го „политичар кој поттикнува расизам“ кој ги мрази Америка и претседателот Доналд Трамп. Врските меѓу САД и Јужна Африка се влошија откако Трамп ја прекина американската финансиска помош за земјата, поради неодобрување на нејзината политика за земјиштето и нејзиниот случај за геноцид во Меѓународниот суд на правдата против Израел.

Рубио повторно сподели текст од десничарската веб-страница Брајтбарт во која се цитира амбасадорот Ембрахим Расул дека рекол оти Трамп го предводи белото „супремацистичко движење“.
Претседателството на Јужна Африка денеска изрази жалење за протерувањето на Расул, и изјави дека останува посветено на градење заемно корисни односи со САД. Криспин Фири, портпарол на Одделот за меѓународни односи и соработка на Јужна Африка, објави на Икс дека владата „ќе се ангажира преку дипломатскиот канал“.

Расул не успеа да обезбеди рутински состаноци со претставници на Стејт департментот и клучните републикански фигури откако Трамп, републиканец, ја презеде функцијата во јануари, објави оваа недела веб-страницата Семафор. Се цитира јужноафрикански дипломат кој вели дека пропалестинските ставови и критиките на Расул за Израел се чини дека се причина за тоа.