САД станаа прва држава која стигнала до еден милион потврдени случаи на коронавирус. Тоа е една третина од вкупната бројка заразени на светско ниво.

Според универзитетот Џонс Хопкинс, во САД досега има 1.002.000 заразени, додека од КОВИД-19 починале 56.749 луѓе. САД уште во март ја надминаа Кина како земја со најмногу случаи на коронавирус. На второто место сега е Шпанија, но со околу 730.000 случаи помалку.

Доналд Трамп изјави дека САД прават далеку повеќе и подобри тестирања од која било земја. Последните податоци покажуваат дека во земјата досега се направени речиси 5,6 милиони тестови, најмногу на светот, но тоа е еден тест на секои 60 жители, додека односот во Италија е еден на 35, а во Шпанија еден на 45.

На светско ниво, вчера беше надмината границата од три милиони заразени.