Шестмина загинаа, 30 се исчезнати, а 6 куќи се урнаа во поплавите во западна Германија изминатава ноќ. Состојбата е најкритична во руралниот регион Ајфел во сојузната држава Рајнланд-Палатинате, каде има 4 загинати.

Целата област е тешко погодена од невремето, вели полицијата. Неколку населени места се отсечени поради поплавите.

Силните врнежи низ цела западна Германија предизвикаа материјални штети, затворања на автопатите и масовни евакуации. Исто така, тешко погодена од силни врнежи е и државата Северна Рајна-Вестфалија.