Стриминг-платформите и радиодифузерите, и јавни и приватни, планираат да инвестираат вкупно 15,5 милијарди евра во германскиот филмски сектор во следните пет години, дознава ДПА од владини извори. Јавните радиодифузери на Германија АРД И ЗДФ се меѓу инвеститорите, заедно со приватните компании, велат изворите, без да прецизираат како ќе бидат распределени парите.

Пред неколку недели, министерот за култура Волфрам Вајмер водеше разговори со стриминг гигантите „Нетфликс“, „Дизни“ и „Амазон“ за да ги убеди да инвестираат повеќе на германскиот пазар. Потоа, тој рече дека очекува „голем инвестициски импулс“. Германската влада одделно планира да ги зголеми субвенциите за филмскиот сектор од 2026 година.

Вајмер и министерот за финансии Ларс Клингбеил посочија претходно оваа година дека финансирањето за двата големи филмски фонда управувани од владата ќе се зголеми на 250 милиони евра. Заедно со другите програми за субвенции, ова ќе ја донесе владината поддршка за секторот на околу 310 милиони евра.