Функционери од администрацијата на Доналд Трамп се залагаат поранешниот унгарски премиер Виктор Орбан да биде следен генерален секретар на Обединетите нации, објави „Вол стрит џурнал“.

Весникот наведува дека Орбан би можел да биде заеднички кандидат на САД, Русија и Кина и дека извори од сите три земји потврдиле дека администрацијата на Трамп ја поддржува неговата кандидатура.

Орбан ја изгуби власта на парламентарните избори во Унгарија во април, кога партијата Тиса на Петер Маѓар го победи по 16 години владеење со апсолутно мнозинство. Орбан одржуваше блиски врски со Доналд Трамп, Владимир Путин и Шји Џинпинг.

Според „Вол стрит џурнал“, не е донесена конечна одлука за планот. Претставник на американскиот Стејт департмент призна дека идејата на почетокот звучи лудо, но додаде дека претходните разговори со Вашингтон сугерираат дека Русија и Кина исто така ја поддржуваат.