Унгарија во декември ќе почне да увезува мали количини од руската вакцина против ковид-19, објави министерот за надворешни работи Петер Сијарто. Увозот ќе се зголеми на крајот на јануари, по што самата Унгарија ќе почне да ја произведува вакцината.
Унгарија вчера прогласи вонредна состојба поради ширењето на коронавирусот и најави воведување нови рестрикции. Вонредната состојба ќе трае 15 дена, но премиерот Виктор Орбан кажа дека ќе побара од парламентот мерките да продолжат уште 90 дена.
Согласно новите мерки, од полноќ до пет часот на сила ќе биде општа забрана за движење, рестораните и клубовите ќе бидат затворени, а кината и театрите ќе работат со ограничен капацитет.