Шесте најголеми опозициски партии во Унгарија ќе се здружат во алијанса за изборите во 2022 година и потоа ќе формираат владејачка коалиција доколку успеат да го победат премиерот Виктор Орбан. Тие сметаат дека тоа е единствениот начин да се стави крај на владеењето на партијата Фидес, која го прошири своето влијание во сите сфери на животот во Унгарија откако дојде на власт во 2010 година.

На општинските избори минатата есен, опозицијата излезе со заеднички кандидати во голем број области и успеа да ја порази Фидес во клучни средини, како Будимпешта. Градоначалникот на Будимпешта, Гергели Карачони, смета дека неговата победа треба да послужи како пример како треба да се предизвика Орбан на национално ниво.

Последните анкети покажуваат дека само половина од гласачите го поддржуваат Орбан, но една третина од сите испитаници изјавиле дека се неопределени.