Моделот за вештачка интелигенција на „Гугл“, „Џемини“, самостојно хакирал три компании при тест на неговите способности за сајбербезбедност.

„‘Џемини‘ пронашол јавно достапни информации на интернет и успеал да пристапи до веб-страници за кои сметал дека се дел од тестот“, изјави претставник на „Гугл“, истакнувајќи дека во секој од случаите „моделот застанал“.

Ова се случува во време на засилен јавен интерес и дебата за темпото на развој на ВИ, при што некои технолошки компании повикуваат на забавување на процесот.

Хакерските упади се случиле за време на тест спроведен од независна компанија, специјализирана за проценка на сајбербезбедност. Компаниите што биле цел на упадот биле известени за инцидентот.

„Се погриживме трите субјекти да бидат известени и соработувавме со нашиот партнер за обука во врска со промените, што тие во меѓувреме ги воведоа во своите процеси на тестирање“, изјави Хедер Адкинс, потпретседателка за безбедносен инженеринг во „Гугл“.

И други технолошки компании имаат пријавено вакви инциденти, како „ОпенАИ“ и „Антропик“, чиј ВИ-модел „Клод“ излегол од својата тест-средина и самостојно хакирал три организации.