Седум луѓе починале во Велика Британија од редок тип на тромбоза откако се вакцинирале со „АстраЗенека“, потврди британското регулаторно тело (МХРА). Вкупно 30 од 18 милиони имунизирани со оваа вакцина добиле тромбоза, заклучно со 24 март. Засега е нејасно дали ова е случајно или е насакана реакција на вакцината.

Британските регулатори уште еднаш нагласија дека придобивките од вакцината ги надминуваат ризиците, како што заклучија и Светската здравствена организација и Европската агенција за лекови.

Германија, Франција, Холандија и Канада се меѓу земјите кои ја ограничија употребата на оваа вакцина на одредена возраст, односно над 55-60 години.

Германија пријави девет смртни случаи меѓу 2,7 милиони вакцинирани со „АстраЗенека“, главно жени.