Во руски воздушен напад врз јужното украинско пристаниште Одеса рано утрово загина едно лице, повредени се 19-мина, од кои 4 деца, и тешко е оштетена православна катедрала, соопштија украинските власти, додавајќи дека иконата на покровителката на градот била извадена од под урнатините. Во ракетните напади беа уништени и шест куќи и станбени згради.
Катедралата „Спасо-Преображенски“ е сериозно оштетена, соопшти воената администрација на Одеса.Таа е најголемата црковна зграда во Одеса и се наоѓа во историскиот центар на градот кој е светско наследство на УНЕСКО. „Касперовската икона на Богородица, која е заштитничка на Одеса, е извадена од под урнатините“, соопшти управата на својот канал Телеграм. Делови од зградата се уништени, подовите се покриени со урнатини, а делови се откорнати од украсените ѕидови на катедралата.
Руското Министерство за одбрана извести за напади врз цели во областа, но негираше дека ја погодиле катедралата и рече дека зградата најверојатно била погодена од украинска противвоздушна ракета.
Русија неколкупати ја нападна Одеса со проектили и беспилотни летала откако во понеделникот се повлече од договорот стар еден година кој дозволуваше безбеден извоз на жито од Украина од пристаништата на Црното Море. Пристаништата во Одеса беа појдовна точка за житото што ја напушта Украина во договорот со Турција и со посредство на ОН. Претседателот Володимир Зеленски го осуди нападот и вети дека Украина ќе возврати.
Во својот дневен брифинг, руското Министерство за одбрана соопшти дека погодиле цели „каде се подготвувале терористички напади“ во областа Одеса и дека сите цели се уништени. Одделно, Министерството рече дека украинските извештаи за руски напад врз катедралата се лажни и дека нејзините цели во Одеса се наоѓаат на „безбедна оддалеченост“ од катедралниот комплекс. Се наведува дека „веројатната причина“ за оштетувањето на катедралата е украинска противвоздушна ракета.
Русија речиси секојдневно ги ракетира Одеса и другите украински објекти за извоз на храна во текот на изминатата недела. Воените блогери кои се про-Кремљ изјавија изминатата недела дека Русија ја сменила тактиката за воздушен напад, користејќи комбинација на оружје во „рој“, еден бран по друг, од кој велат дека е потешко да има одбрана.
