Седумдесет и тригодишна жена од Албанија е прва жртва на коронавирусот во регионот.

Тамошните медиуми објавија дека станува збор за жителка на Драч, која починала во болница во Тирана, каде што била пренесена откако ѝ се влошила состојбата.

„Имаме сомнежи дека таа заразила и други членови на семејството, имајќи предвид дека дури вчера беше потврдено дека има коронавирус“, изјавија извори од болницата.

Први случаи на коронавирус во Албанија се регистрирани пред два дена и досега има 12 заразени.