Собраниската Комисија за прашања на изборите и именувањата на денешната седница едногласно одлучи да го одбие барањето за апанажа на поранешната специјална јавна обвинителка Катица Јанева, која денеска беше на судењето за „Рекет“ како обвинета. Пратениците и од власта и од опозицијата се согласија дека од морален аспект треба да се одбие барањето на Јанева.

Комисијата денеска одлучи и да му предложи на Собранието Максим Ацевски да биде главен државен ревизор. Државниот завод за ревизија веќе две години е без директор

За директор на Агенцијата за заштита на правото на слободен пристап до информации од јавен карактер Комисијата ја предложи Пламенка Бојчева и за директор на Дирекцијата за заштита на лични податоци го предложи Имер Алиу.