Ќе се формира солидарен фонд за справување со економска криза предизвикана од епидемијата на КОВИД-19, најави премиерот Оливер Спасовски, презентирајќи го вториот сет економски мерки на Владата.
Како што кажа Спасовски на денешната прес-конференција, Владата ќе отвори посебна наменска сметка за примање донации од правни и физички лица. Донациите ќе се користат за помош и поддршка на Владата за справување со кризата.
„Ги повикувам сите правни и физички лица на кои оваа држава им овозможи да создаваат профит, сега е моментот да покажеме солидарност, да се солидаризираме со работниците и со граѓаните и да помогнеме во овој солидарен фонд“, кажа Спасовски.
