Во изминатите 24 часа направени се 508 тестирања, а регистрирани се 37 нови случаи на коронавирус, објави Министерството за здравство. Новозаболените лица се од  Скопје 12,  Куманово 8,  Штип 2, Прилеп 2, Тетово 7, Струга 4 и двајца во Охрид. Во изминатото деноноќие не се регистрирани починати пациенти како последица на КОВИД-19.

Денеска со скринингот е потврден еден позитивен случај кај вработен во геронтолошка установа во Скопје. Досега со скринингот направени се 2.248 тестирања на коронавирус, а регистрирани се три позитивни случаи на КОВИД-19.

Досега, во земјава се направени вкупно 25.270 тестирања на КОВИД-19. Од вкупниот број направени тестови во изминатото деноноќие 188 теста се во рамките на скринингот. Тестирањата се направени преку Центрите за јавно здравје во Велес, Кочани, Куманово и Скопје во градинки и геронтолошки установи.

Денеска Институтот за јавно здравје регистрира 11 оздравени пациенти.

– Скопје 2
– Прилеп 7
– Велес 2

Со ова, вкупно ковид дијагностицирани во земјава се 1.978, од кои оздравени се 1422, починати се 113, а активни се 443.

Б. НЕСТОРОСКА