Десетици илјади онколошки операции, терапии и скрининзи се одложени во Германија поради епидемијата на коронавирусот, објави фондацијата „Кребсхилфе“.

„Одложувањата не биле медицински оправдани во сите случаи“, вели извршниот директор на фондацијата Герд Нетекофен.

Според фондацијата, до средина на јуни биле одложени околу 50.000 операции и третмани.

„Тоа е огромна бројка. Речиси една четвртина од планираните онколошки операции не се случиле во тој период. И придружните мерки за пациентите понекогаш биле екстремно намалени во клиниките“, вели Нетекофен.

Тој додава дека често се одложуваат и терапии и прегледи.

„Тоа може да има фатални последици за пациентите“.