Белоруската лидерка на опозицијата Светлана Тиханоскаја замина за Литванија од Белорусија среде протестите и е безбедана, рече денес министерот за надворешни работи на Литванија Линас Линкевичиус, во објавата на Твитер. Тиханоскаја беше главна ривалка на Александар Лукашенко на претседателските избори во неделата. Лучашенко победи со 80 отсто од гласовите, но опозицијата смета дека изборите се лажирани, по што избија масовни демонстарции и судири со полицијата.

Тимот на Тиханоскаја вчера не можеше да ја добие на телефон, откако ја напушти зградата на изборната комисија. Претходно, таа им рече на новинарите дека смета оти таа победила на изборите, а не Лукашенко.