Тригодишно девојче од Тајван се заплетка во жиците на змеј и беше крената високо во воздух пред шокираните набљудувачи, пред да биде спасена неповредена. Инцидентот се случи на фестивалот во летање змејови, што се одржа вчера во градот Нанлијао,

На видеоснимките објавени во тајванските медиуми се гледаат неколкумина работници од фестивалот како се мачат да го задржат огромниот змеј на силниот ветер пред тој да биде лансиран. Воодушевувањето на присутните набргу било заменето со вресоци откако сфатиле дека девојче е заплеткано во опашката на змејот.

Таа била во воздух повеќе од 30 секунди, пред змејот да биде спуштен на помала висина, што овозможи девојчето да биде спасено. Медиумите објавија дека девојчето било уплашено, но немало физички повреди.