729 лица кои оздравеле од ковид-19 во земјава донирале конвалесцентна плазма за третман на пациенти заразени со ковид-19. Обезбедени се вкупно 802 единици конвалесцентна плазма, а досега се третирани 661 пациент, вели Институтот за трансфузиона медицина.

Од почетокот на коронакризата во земјава регистрирани се 88.938 лица, оздравеа 73.601, починаа 2.702, а  активни случаи се 12.635.

„Да им помогнеме на лицата кои се борат со коронавирусот, да донираме конвалесцентна крвна плазма, . Преку даруваната конвалесцентна плазма, антителата на оздравените пациенти се користат во сузбивање на болеста кај друго лице со ковид-19“, апелираат трансфузиолозите.

Лицето дарител на конвалесцентна плазма треба да има документиран лабораториски доказ дека било болно од ковид-19 и да биде минимум 21 ден без симптоми, по што се прави дополнителен тест за потврда дека нема присуство на вирус. Формуларот е достапен на следниов линк.