Малта објави дека е првата земја од Европската Унија која постигнала колективен имунитет против ковид-19, откако 70% од возрасното население примило барем една доза од вакцината.

„Постигнувањето на колективен имунитет е од огромна важност за локалната економија, особено туризмот“, изјави министерот за туризам Клејтон Бартоло.

Во изминатата недела, во земјата беа регистрирани само три нови случаи на коронавирус на ден, а стапката на позитивни тестови падна на 0,2%.

„На секои пет секунди во земјата се дава една вакцина. 42% од возрасното население е целосно вакцинирано“, изјави министерот за здравство, Крис Фирн.

Вакцинирањето е достапно за сите жители со над 16 години и Фирн кажа дека границата ќе се спушти до 12 години откако Европската агенција за лекови ќе одобри таква вакцина. Тој додаде дека задолжителното носење маска на отворено ќе биде укинато за вакцинираните на 1 јули. Работното време на угостителските објекти е продолжено до полноќ.