Англија за првпат се пласираше во финалето на Европското првенство во фудбал откако вечерва ја победи Данска во полуфиналето со 2:1 по продолженијата.

Во финалето в недела, кое исто како и двете полуфиналиња се игра на „Вембли“ во Лондон, Англичаните ќе играат против Италија, која вчера ја совлада Шпанија.

На вечерашното полуфинале, Данска поведе во 30. минута со голот на Микел Дамсгард, а Англија израмни со автоголот на Симон Кјаер девет минути.

Во 104. минута, Хари Кејн го постави конечниот резултат. Данскиот голман Каспер Шмајхел го одбрани пеналот на Кејн, но топката се одби до англискиот напаѓач, кому од вторпат му успеа да ја затресе мрежата.