Вработените на меѓународниот аеродром на Маврициус пронашле напуштено новороденче во корпа за ѓубре во авион. Уапсена е 20-годишна жена од Мадагаскар, осомничена дека се породила за време на летот.

Авионот на „Ер Маврициус“ слетал на аеродромот на 1 јануари. Аеродромските служби го пронашле бебето при рутинска царинска контрола на авионот. Бебето веднаш било префрлено во болница.

Жената признала дека бебето е нејзино откако во прв момент негирала дека се породила во авионот. И таа и бебето се добро, кажаа од болницата. Полицијата соопшти дека мајката ќе биде обвинета за напуштање на новороденче.