Петгодишното мароканско момче кое беше заглавено во бунар четири дена почина, и покрај обемните напори да биде спасено. Властите ја објавија неговата смрт откако момчето беше извадено од бунарот.

Напорите да се спаси 5-годишниот Рајан го привлекоа вниманието на јавноста во Мароко, и постојано имаше стотици луѓе насобрани околу бунарот.

Момчето падна во 32 метри длабокиот бунар низ тесниот отвор, а обидите за спасување беа отежнати поради страв од одрони. Спасувачите конечно го извадија момчето од бунарот во саботата вечер.

Неговата состојба не беше објавена во тој момент, а спасување беше поздравено со аплауз од насобраните луѓе околу спасувачката операција.