Премиерот Димитар Ковачевски и министерката за одбрана Славјанка Петровска денеска го посетија американскиот носач на авиони „Хари С. Труман“, заедно со амбасадорката на САД, Кејт Мари Брнз. Овој брод со носивост од 100.000 тони, кој може да носи 90 авиони и хеликоптери, моментално е стациониран во Средоземното Море.

„Со денешната посета, на што сум особено горд, ја демонстрираме поддршката за операциите на американските поморски сили во Европа. Овој импресивен воен брод спаѓа меѓу најголемите бродови-носачи на САД, кој сега е дел од НАТО флотата на Медитеранот. Заедно со сојузниците од НАТО ги јакнеме нашите позиции и обезбедуваме сигурност, безбедност и мир за нашите граѓани“, кажа Ковачевски.

Долг над 330 метри, „Хари С. Труман“ бил лансиран во 1996 година и чинел 4,5 милијарди долари.