Русија започна нов масивен напад на енергетската мрежа на Украина, по што речиси милион и пол домаќинства останаа без струја, изјави украинскиот претседател Володимир Зеленски. Тој кажа дека синоќешните напади биле од доста широк размер и погодиле региони во Украина и на запад, во центарот, југот и истокот.

Зеленски додава биле повеќето руски ракети и дронови се соборени, и дека такви напади нема да го сопрат воениот напредок на Украина.

„Се разбира дека немаме техничка можност да собориме 100 отсто од руските ракети и нападите од дроновите. Постепено ќе стигнеме и до тоа, со помош на нашите партнери. Уверен сум во тоа“, рече украинскиот лидер.

Во воздушните напади од понеделникот минатата недела се уништени речиси една третина од електраните во Украина и другите капацитети за производство на енергија.