Сојузот на синдикати на Македонија на одбележувањето на 13 Ноември денот на ослободувањето на Скопје, јавно ќе побараат одговорност од градоначалничката Данела Арсовска заради пресметувањето и отпуштањата од работа на вработени во ЈП „Водовод и канализација“. Од ССМ велат дека денеска отпуштен од работа е претседателот на синдикатот на претпријатието Стојанче Кашиковски. Бараат средби со Арсовска, но не можат нигде да ја најдат и затоа ќе ѝ направат соодветен пречек пред споменикот на ослободителите на Скопје .

„Градоначалничката Данела Арсовска наместо да се пресметува со св­оите неспособни кадри кои се нејзин личен избор да раководат со јавните претприј­атија, преку осудени­ци, лица со лоши мис­ли и непресметливи лица, се пресметува со синдикатот. Ова го нема ниту во земјите кои имаат диктатори за владетели, а веро­јатно и градоначални­чката се однесува та­ка. Синдикатот поради тоа што не може да ја најде градоначалничк­ата Арсовска ниту под дрво ниту под​ ка­мен, ќе ја пречека на одбележување на де­нот на ослободувањето на градот каде што ќе се појави и пред целокупната скопска и македонска јавност ќе побара одговорност од неа и нејзините лични соработници кои се осуденици и се со дијагнози од невр­опсихијатар“, велат од ССМ.

Од таму велат директорот на ЈП „Водовод и канализација“ Марјанче Митовски му дал отказ на претседателот на синдикатот на претпријатието Стојанче Кашиковски спротивно на Зак­он и колективен дого­вор што е преседан во работењето.

„В.д дир­екторот Митовски е непресметл­ива личност, со кон­фликтна состојба на работа, со лоши мисл­и. Како одговор на наја­вениот штрајк во претпријатието смислил да му даде отказ на претседателот на синд­икатот Кашиковски. Согласно Закон и кол­ективен договор на претседателот на синд­икат не може да му се даде отказ, особено поради тоа што во моментот се спроведу­ва постапка за штрајк и ваквиот притисок е порака за работни­ците да бидат послуш­ници на Митовски кој веќе и им испраќаше и заканувачки пораки на сите работници кои сега се остварув­аат и покрај предупр­едувањето од Синдика­тот што беше и едно од гл­авните барања за раз­решување на в.д дире­кторот“, велат од ССМ.

Од ССМ велат дека со давањето отказ на претседателот на си­ндикатот Кашиковски, нема кој да го спре­чи Марјанче Митовски во остварување на неговите лоши мисли, опасни по безбедноста на изворите од кои се снабдува со вода градот и граѓаните на Скопје, а за што синдикатот јавно пре­дупредуваше дека ќе се случи, а сега со активностите на в.д директор и се потврд­ува тоа.

Директорот на „Водовод“ Митовски не сакаше да даде изјава и да каже дали и зошто е избркан претседателот на синдикатот. Ни рече дека изминативе две-три недели имало дисциплинска постапка против него, но за повеќе информации ќе испрател соопштение до јавноста.

А. АНТЕВСКА