Шестгодишно момче е приведено откако намерно ја застрелало својата учителка во американската сојузна држава Вирџинија. Инцидентот се случил во основно училиште во градот Њупорт Њуз и шефот на полицијата Стив Дру изјави дека е нејасно како момчето дошло до пиштолот.

„Инцидентот не се води како случајно пукање. Повредите на учителката се животно загрозувачки, иако состојбата ѝ се подобрува“, кажа Дру.

Тој додаде дека пред пукањето, ученикот од прво одделение и учителката се карале.

„Ова е изолиран инцидент. Досега не сме имале случај на пукање во училиште“, кажа Дру.

Официјални лица кажаа дека училиштето е опремено со детектори за метал, но учениците се проверуваат по случаен избор.