Најмалку едно лице загина, а 30-ина се повредени, откако патнички воз ноќеска излета од шини во западна Холандија. Итните служби кажаа дека несреќата се случила кога возот со околу 50 патници удрил во градежен кран кај селото Форсхотен близу Хаг.

Во несреќата е оштетен и товарен воз. Деветнаесет луѓе се префрлени во болница, од кои некои се во сериозна состојба.

Предниот вагон од ноќниот воз Лејден-Хаг влетал во поле по судирот, кој се случил во 3:25 часот, а пожарот кој избувнал во друг вагон бргу бил изгаснат, јавуваат холандските медиуми.