Реа се шири од трите испусни канали за отпадните води и канализацијата кои се влеваат во реката Вардар во Велес и се од отворен тип.

„Мора да се преземе нешто, летно време не се живее, ние кои сме во близина. И лоша миризба и нехигиена. Треба да се покријат да не се видливи“, велат жителите кои живеат во близина.

Испусните канали се лоцирани кај детското игралиште во Градски парк, во Дворови и галеријата кај Мало мовче.

„Со ЈКП ‘Дервен’ сме разговарале да се продолжат каналите за некои 20 метри. Ова се однесува на тој во Паркот и во Дворови, додека кај Мало мовче ќе се регулира со изградбата на кејот од десната страна, која е во тек. Ќе се обидеме овој проблем да го решиме поскоро“, кажа градоначалникот Марко Колев.

П. ПЕЧКОВ