Индија стана првата земја што успешно слетала вселенско летало близу јужниот пол на месечина во историски момент за земјата. „Чандрајан-3“, што значи „месечинско летало“ на санскрит, го спушти лендерот Викрам на тлото на месечината околу 14.30 по македонско време.

За Индија, успешното слетување го потврдува нејзиното наметнување на вселенска сила додека владата се обидува да го поттикне инвестирањето на приватниот сектор во вселенското истражување.

Вселенското летало полета од Земјата пред речиси шест недели и направи неколку орбити околу планетата пред да тргне кон месечината.

Слетувањето на јужниот пол е особено тешко поради тешкиот терен, но присуството на смрзната вода може да помогне за снабдување со кислород и вода за пиење за идни мисии.

Во понеделникот, Русија соопшти дека нејзината прва мисија на месечината по 47 години, која што исто така требаше да слета на јужниот пол, се урна во месечината.