Српскиот претседател Александар Вучиќ распиша вонредни парламентарни избори во земјата на 17 декември.

„На предлог на владата од 30 октомври донесувам указ за распуштање на Народното собрание, избрано на 3 април 2022. Истовремено донесувам указ за распишување избори на 17 декември“, кажа Вучиќ на прес-конференција.

Тој им посака среќни избори на граѓаните на Србија и истакна дека живееме во тешки времиња за цел свет, додека самата Србија се наоѓа под големи притисоци.

Итно распишување вонредни парламентарни избори и нивно одржување до крајот на годината беше едно од барањата на опозициските партии кои ги организираат протестите „Србија против насилство“.

Покрај парламентарните, истовремено ќе се одржат и локални избори во Белград и во уште 64 општини.