16-годишна девојка од Германија загина откако паднала и замрзнала до смрт во планина за време на фамилијарен одмор во јужен Тирол, соопштија локалните спасувачки служби.

Нејзиното тело беше пронајдено во снег близу северното италијанско гратче Сан Кандидо на Доломитите во петокот. Родителите на тинејџерката претходно пријавија дека ќерка им исчезнала.

Девојката, која е од Келн, го напуштила сместувањето наутро, отишла на прошетка и не се вратила.

Спасувачите сметаат дека таа се лизнала на замрзнатата патека и веројатно била неподвижна по падот и замрзнала до смрт.

Хеликоптер и куче трагач беа вклучени во потрагата. Девојката беше пронајдена откако првично бил лоциран нејзиниот телефон.