Бројот на загинати во нападот од руски дрон врз станбен блок во јужниот пристанишен град Одеса се искачи на 10, откако спасувачите ги пронајдоа телата на уште една мајка и бебе, изјави денеска гувернерот на Одеса, Олех Кипер. Руски дрон вчера удри во станбена зграда во Одеса.

Претседателот Володимир Зеленски рече дека можело да се избегнат жртви ако Украина не се соочува со доцнење во испораката на оружје.

„Телото на уште едно мртво бебе штотуку е пронајдено покрај телото на жената. Прелиминарно, детето е помалку од една година. Спасувачите продолжуваат да ги расчистуваат урнатините“, рече Кипер на апликацијата за пораки Телеграм.

Канцеларијата на јавниот обвинител соопшти дека 8-месечното бебе е едно од трите деца што загинале во нападот. Зеленски вчера рече дека биле убиени четиримесечно и двегодишно дете. Министерот за внатрешни работи, Ихор Клименко, вчера рече дека новороденчето било пронајдено мртво покрај неговата мајка и објави фотографија од спасувач покрај крваво ќебе, на едната страна се гледа раката на бебето и на другата страна е испружена возрасна рака.

Денеска е ден на жалост во Одеса.