Градоначалничката Данела Арсовска го разреши директорот на ЈП „Градски паркинг” Михаил Петревски. Како што велат извори од претпријтието за САКАМДАКАЖАМ, Петревски од вчера не е директор и за нов в. д. директор е назначен Мартин Гавриловски кој е вработен во „Градски паркинг“.

Петревски, кој беше назначен на функцијата лани во април, не одговараше на нашите повици и телефонски пораки.

Арсовска во понеделникот го разреши и директорот на „Водовод и канализација“ Виктор Панчевски, кој беше именуван пред 6 месеци.

Градоначалничката Арсовска постојано ги менува директорите на јавните претпријатија. Досега смени 25 директори, за нецели три години мандат.

А. АНТЕВСКА