Пожарот кој вчера избувна на територијата на општина Новаци, се прошири кон селата Тепавци и Брод. Градоначалникот на Општина Новаци Стевче Стевановски вели дека ангажирана е и механизација од РЕК „Битола“ за да се направи обрач огнот да не стигне до куќите.

Претходно беше критично во мариовскиот дел кај село Скочивир каде со интервенција на Противпожарната единица на Битола, возила и вработени во Општина Новаци, РЕК  доброволци и жители од локалното население, беше спасено селото.

Од Центарот за управување со кризи соопштија дека вечерва во Новаци гори непристапен карпест дел и нискостеблеста вегетација. Иако директорот Стојанче Ангелов во повеќе наврати апелираше да не се користат пиротехнички материјали за огномети, вечерва во Битола имаше  неколку огномети од приватни прослави.  

Ж. ЗДРАВКОВСКА