Украинскиот претседател Володимир Зеленски вели дека упадот на украинската војска во рускиот регион Курск има за цел создавање тампон зона за да се спречат понатамошни руски напади преку границата.

Ова е првпат Зеленски јасно да наведе цел на операцијата, која што почна на 6 август. Претходно, тој сугерираше дека целта е да се заштитат населените места близу до границата од руско гранатирање.

Во неговото ноќно обраќање во неделата, Зеленски кажа:

„Наша примарна задача во дефанзивните операции е да уништиме што е можно повеќе од рускиот воен потенцијал и да спроведеме максимум контраофанзивни операции. Ова вклучува создавање тампон зона на територијата на агресорот, што е наша операција во регионот Курск“, кажа Зеленски.

Командантот на украинската армија Олександр Сирски минатата недела кажа дека неговите војници контролираат 1.000 километри квадратни од регионот.